Beautiful Tomb

Here's a poem by Pete Lacaba included in Frank magazine which I dedicate to my "contented" classmates

MASAMANG PANAGINIP

Isang masamang panaginip
Ang gumising sa akin, mahal.
Napanaginipan kong ikaw at ako’y
malaon nang patay.
Ang ating libingan
ay maaliwalas na kuwarto
sa ilalim ng lupa, walang
muwebles o anumang adorno,
wala kahit libro.
Sa di ko pa malamang dahilan,
buo pa ang ating katawan.

Nakahiga tayo sa sahig,
naghuhuntahan, Walang
ano-ano, may narinig tayong
mga ingay mula sa ibabaw.
Tilaok ng tandang, huni ng maya,
kaluskos ng walis-tingting sa lupa,
pukpok ng martilyo, sigaw
ng magbabalot o magtataho—
hindi natin matiyak kung ano.

Tumayo tayo para alamin
pero pinigilan mo ako at sinabi mo:
”Tahimik na tayo dito. Bakit
Maghahanap ka pa ng gulo?”