Noong Bata Tayo

Katatapos lang ang interview ko kay Tsing Tsong Tsai tungkol kay Ramon Zamora, FPJ, Erap (nagbigay ng break niya sa "Dragnet"), Mon del Rosario, Wengweng at Trobador Ramos. Siyempre nasa 50s Diner kami at pinapakinggan namin ang mga 50s at 60s music. Sabi niya, pag wala daw siya pinapalitan ng crew niya noong una ng hiphop yung music. Pinagalitan niya ang mga ito kasi nga dapat kasama iyan sa ambyans. At marami ding kustomer na iyan lang ang hangad. Yung bumabalik sa panahon nila. May mga bata rin na binabalikan ang tugtog ng mga magulang nila. Naalala ko tuloy noong bata ako. Noon akala ko ang fog (oo, kami lang sa Baguio ang nag-iisip niyan) ay ulap. Ang lupa at bundok ang umaangat para humalik sa alapaap.

Meron kaming kapitbahay na hippie, bigla siyang nawala. Martial Law noon. Sabi ng kalaro ko, sa dami ng kuto tinangay siya ng mga uwak.

Noong una akong nakita ang giraffe, unang pumasok sa utak ko: Paano ka naman kaya mananalo sa hide-and-seek dito?